米路18 (Closed)

尖沙咀食野一向都偏貴, 咁岩參觀完科學館行經對面發現左呢間外賣小店, 門外貼出menu, 價錢相對附近其他餐廳, 價錢便宜一點, 為左慳得一餐得一餐, 同妹妹就決定買黎試試!!因為係外賣店, 沒有位置可以坐住舒舒服服食, 所以我地只好買一大袋野食,行去附近既噴水池附近坐係度慢慢嘆~ 今次我地大吃一餐, 都係HK$200有找!! 由於係外賣店, 店員仲貼心咁比左兩對手套我地, 方便係附近搵個位置食tim~【特盛三文治】HK$20三文治夾住厚切火腿扒、白汁碎蛋、蕃茄、生菜。 碎蛋多得流出黎, 加上新鮮既蕃茄同埋生菜, 果然係好食得黎又係健康既首選!【咸牛肉.芝士飛碟】HK$23表面焗得金黃香脆, 入面有好多芝士混合咸牛肉, 一咬落去, 好juicy, 咸度剛剛好【瑞士汁雞翼】HK$20好滑好入味, 一共有4隻【芋頭燜火腩配珍珠白飯】HK$38味道好夠入味, 而且火腩燜得好林, 份量剛剛夠飽~【花雕雞脾】HK$23凍食雞脾大大隻, 有微微既酒味 【星州炒米】HK$29炒得好乾身, 米粉麵質偏硬, 冇咩辣味, 味道不過不失【梅菜扣肉包】HK$29很足料!!包質軟棉, 扣肉既肥油層唔太厚, 梅菜