峰 (Closed)

搬咗嚟太子之後, 不斷咗區內覓食! 太子區嘅餐飲業不得不說係百花齊放! 今日又開心大發現咗一間相當有素質嘅日本餐廳, 位於花園街街尾嘅 - 峰。我覺得佢嘅小食做得好有水準, 而且選擇亦多及價錢合理, 非常enjoy揀嘢食嘅過程。 特盛峰拉麵 - 好香濃嘅拉麵豬骨湯底, 麵底硬度適中, 叉燒半肥半瘦, 而最感動到我嘅係半熟蛋! 半熟蛋嘅蛋白滑滑的, 蛋黃呈膠著狀態, 像滷水的鹹香味! 質素直頭好過老銅嘅一蘭拉麵!火焰日本甜蕃薯 - 好有氣勢嘅甜蕃薯! 上菜時, 甜蕃薯面頭個舊咸牛油會著哂火咁出場, 相當有範! 暖烘烘嘅咸牛油溶化且包圍著甜甜嘅蕃薯, 又咸又甜, 但出奇地配合! 蕃薯口感厚實, 係非常好味嘅前菜! 不過兩個人食就覺得有點太飽肚。炸薯絲沙律 - 進擊的巨薯絲! 好大份! 香脆嘅炸薯絲份量相當多, 口感爽脆! 炸薯絲淋上沙律醋, 再配住蘆筍、青瓜、蕃茄, 食落口"索索"聲, 即刻中和咗炸薯絲嘅熱氣感! 幾乎成個沙律都係我食嘅! 吞拿魚薄脆 - 真係要彈起身講句: 「好好味啊!!!!!!」吞拿魚碎加上酸酸嘅蛋黃醬及芝士魚子醬, 低層係一塊脆口到爆嘅脆脆, 嗯.... 好