Video
Read full review
2023-05-05
772 views
【荃灣區】【牛奶冰室】由於要去荃灣買啲嘢，所以就喺荃灣出現咗。以前曾經喺荃灣返工，不過由於當時人工唔足以令我食到好多嘢，所以嗰時主力都係食某幾間平靚正嘅嘢就算。而有啲新開嘅我甚至係見都未見過，好似經過寶石大廈見到嘅呢間新派冰室就係其一。本身喺呢頭附近我只係記得有校長燒肉，佢嘅前身係韓日燒，即係明將化身嗰間，再之前就應該係扒王之王嚟。而佢對面就係我今次要講嗰度，我都唔知之前佢係咩嚟，我只係記得自己第一次做婚禮司儀就係喺呢度上面，好似係煌府嚟。而入到呢間牛奶冰室之後，覺得佢個裝修都幾得意，走些少工業風加上木色陳設之餘，又周圍都係黑白乳牛 style 嘅嘢，幾有趣。餐牌上面嘅「爆漿拉絲菠蘿包」，見佢喺門口有，都好吸引，金黃鬆脆菠蘿包配上邪惡嘅芝士拉絲，都想睇吓會係點。不過想食正餐先嘅我都係叫個「全日常餐」先，食「生滾牛肉湯通粉」，講到係選用「營養牛乳湯底」咁過癮，但係當我轉食「即食伊麵」嘅話，又冇人提我會自動轉做「即食伊麵湯底」，搞到我上菜見到個樣唔對路，食落先知，失望。話雖如此，其實啲牛肉片配以少量薑絲，加埋個福麵咁嘅款嘅麵，都係幾好食嘅，轉個頭就啪晒。「蒜香牛油多士」有兩塊，係幾夠蒜香味
本身喺呢頭附近我只係記得有校長燒肉，佢嘅前身係韓日燒，即係明將化身嗰間，再之前就應該係扒王之王嚟。而佢對面就係我今次要講嗰度，我都唔知之前佢係咩嚟，我只係記得自己第一次做婚禮司儀就係喺呢度上面，好似係煌府嚟。
而入到呢間牛奶冰室之後，覺得佢個裝修都幾得意，走些少工業風加上木色陳設之餘，又周圍都係黑白乳牛 style 嘅嘢，幾有趣。餐牌上面嘅「爆漿拉絲菠蘿包」，見佢喺門口有，都好吸引，金黃鬆脆菠蘿包配上邪惡嘅芝士拉絲，都想睇吓會係點。
不過想食正餐先嘅我都係叫個「全日常餐」先，食「生滾牛肉湯通粉」，講到係選用「營養牛乳湯底」咁過癮，但係當我轉食「即食伊麵」嘅話，又冇人提我會自動轉做「即食伊麵湯底」，搞到我上菜見到個樣唔對路，食落先知，失望。
話雖如此，其實啲牛肉片配以少量薑絲，加埋個福麵咁嘅款嘅麵，都係幾好食嘅，轉個頭就啪晒。「蒜香牛油多士」有兩塊，係幾夠蒜香味嘅。份「牛乳炒滑蛋」係幾香蛋味，不過有啲散，爭少少咁。反而杯「凍奶茶」個茶底好香濃，好飲喎。
呢餐 $55 就唔算平啦，只屬正常，反而佢位置方便係主要賣點，同埋杯奶茶幾啱我口味。聽隔離枱想嗌菠蘿包話賣晒，原來門口嗰啲只係陳列品，搞笑，即係我都唔使叫啦。查返資料，原來佢都有分店，咁就到時有機會先再食啦，係咁多。。。
（地址：荃灣沙咀道328號寶石大廈地下G6-G7號舖）
#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #1ambackup #1am0482 #globaleats #foodieman #1am荃灣區 #荃灣 #牛奶冰室 #茶餐廳 #冰室 #常餐 #牛肉 #炒滑蛋 #伊麵 #牛油多士 #凍奶茶
56 views
0 likes
0 comments
Post
