Video
Read full review
2023-07-31
191 views
呢間真心想去好耐，見過好多朋友去呢間餐廳打卡，今次終於到我喇～———————————————🌟煎法國鵝肝 Pan-seared for gras $128呢個鵝肝真心高質，份量都算大，而且煎得非常香口，入口即溶，溶完忍唔住仲要細細品嚐多陣個餘味，旁邊仲有酸酸甜甜嘅香橙同無花果比您解膩👍🏻擺盤本身都好花心思，打卡都一流～.🌟精選芝士及冷切拼盤 Assorted Cheese & Cold Cut Platter $288芝士分別有哥根蘇拿芝士、金文拔芝士同24個月巴馬臣芝士，另外配有幾款火腿包括伊比利亞黑毛豬火腿、沙樂美腸同西班牙辣肉腸。個人比較鍾意食金文拔芝士多啲，軟身而且感覺會奶味重少少。其次就係巴馬臣芝士，味道有種咸香味。哥根蘇拿芝士就比較特別，有陣好濃嘅芝士香，但初初食真係會唔太習慣。除咗肉以外，冷盤都仲有各款麵包、水果配芝士食。.🌟烤美國頂級肉眼牛扒 Grilled US Prime Rib-eye $388呢塊肉眼牛扒一啲筋位都冇，熟成度掌握得非常好，肉質幼滑粉嫩，牛味亦都好夠濃。配菜方面有個薯蓉粒入面有芝士味，另外有蘆筍、椰菜花同車厘茄等蔬菜。.🌟烤香草羊架 Herb Cr
———————————————
🌟煎法國鵝肝 Pan-seared for gras $128
呢個鵝肝真心高質，份量都算大，而且煎得非常香口，入口即溶，溶完忍唔住仲要細細品嚐多陣個餘味，旁邊仲有酸酸甜甜嘅香橙同無花果比您解膩👍🏻擺盤本身都好花心思，打卡都一流～
.
🌟精選芝士及冷切拼盤 Assorted Cheese & Cold Cut Platter $288
芝士分別有哥根蘇拿芝士、金文拔芝士同24個月巴馬臣芝士，另外配有幾款火腿包括伊比利亞黑毛豬火腿、沙樂美腸同西班牙辣肉腸。個人比較鍾意食金文拔芝士多啲，軟身而且感覺會奶味重少少。其次就係巴馬臣芝士，味道有種咸香味。哥根蘇拿芝士就比較特別，有陣好濃嘅芝士香，但初初食真係會唔太習慣。除咗肉以外，冷盤都仲有各款麵包、水果配芝士食。
.
🌟烤美國頂級肉眼牛扒 Grilled US Prime Rib-eye $388
呢塊肉眼牛扒一啲筋位都冇，熟成度掌握得非常好，肉質幼滑粉嫩，牛味亦都好夠濃。配菜方面有個薯蓉粒入面有芝士味，另外有蘆筍、椰菜花同車厘茄等蔬菜。
.
🌟烤香草羊架 Herb Crusted Lamb Rack $288
上台見到粉嫩嘅羊肉架真係已經留曬口水，兩大件羊味都好重連埋香草味一流，而且咬落啖啖都有肉汁，感覺唔需要任何醬汁就已經夠曬好食。至於配菜方面同牛扒一樣就唔詳細講，不過呢個羊架真心算係數一數二嘅質素。
.
🔸整體評價🔸
成餐都好滿意，一開始仲有麵包serve，全部都好好味，同時服務都好到位。本身見到仲有甜品同幾款蛋糕都好吸引，但因為怕肥忍咗手冇叫😭另外因為夜晚食所以就冇咗日頭湖邊果種感覺，希望下次再食可以補償返呢啲小遺憾。
Post
