Video
Read full review
2024-09-30
287 views
係銅鑼灣附近買完野，例牌食埋飯先返屋企😀沿住軒尼詩道行返屋企，就去埋「瓊天」嘆海南雞🐔佢哋嘅海南雞係標榜無激素～啱晒我哋女士去食❤️雞肉滑捋捋之餘，仲好貼心咁去哂骨👍「泰式豬頸肉煎雙蛋飯」豬頸肉煎得外焦內嫩，搭配熱辣辣流心雙蛋😋 加埋酸辣醬，酸甜酸甜都幾開胃😎順帶一提～佢個飯係用金象米去煮，米同水比例幾好，唔會太硬/太軟！燉湯都係佢哋名物之一！我平時都唔煲湯架，全靠出邊啲湯水幫手😜「人蔘枸杞玉竹燉烏雞」、「五指毛桃燉海底椰」，店家把材料慢火細熬，將肉湯精華濃縮！如果兩款湯嚟講，我比較鍾意「五指毛桃燉海底椰」，清肝降火比較適合夏天飲😀最後我仲嗌咗個好少見嘅「花雕醉鴨舌」，佢個花雕酒配合枸杞，將鴨舌昇華到另一個層次🤞🏻都好值得試吓！✣ 脫骨海南雞撈檬 $68✣ 泰式豬頸肉煎雙蛋飯 $60✣ 人蔘枸杞玉竹燉烏雞 $78✣ 五指毛桃燉海底椰 $78✣ 花雕醉鴨舌 $32✣ 椰青水+$8
係銅鑼灣附近買完野，例牌食埋飯先返屋企😀沿住軒尼詩道行返屋企，就去埋「瓊天」嘆海南雞🐔
佢哋嘅海南雞係標榜無激素～啱晒我哋女士去食❤️雞肉滑捋捋之餘，仲好貼心咁去哂骨👍
「泰式豬頸肉煎雙蛋飯」豬頸肉煎得外焦內嫩，搭配熱辣辣流心雙蛋😋 加埋酸辣醬，酸甜酸甜都幾開胃😎順帶一提～佢個飯係用金象米去煮，米同水比例幾好，唔會太硬/太軟！
燉湯都係佢哋名物之一！我平時都唔煲湯架，全靠出邊啲湯水幫手😜「人蔘枸杞玉竹燉烏雞」、「五指毛桃燉海底椰」，店家把材料慢火細熬，將肉湯精華濃縮！
如果兩款湯嚟講，我比較鍾意「五指毛桃燉海底椰」，清肝降火比較適合夏天飲😀
最後我仲嗌咗個好少見嘅「花雕醉鴨舌」，佢個花雕酒配合枸杞，將鴨舌昇華到另一個層次🤞🏻都好值得試吓！
✣ 脫骨海南雞撈檬 $68
✣ 泰式豬頸肉煎雙蛋飯 $60
✣ 人蔘枸杞玉竹燉烏雞 $78
✣ 五指毛桃燉海底椰 $78
✣ 花雕醉鴨舌 $32
✣ 椰青水+$8
Post
