Video
Read full review
2022-11-15
26 views
銅鑼灣登龍街食店林立，最近新開咗一間專食韓國Pizza同埋炸雞嘅專門店，網上見到好多人食芝士拉絲Pizza ，勁邪惡，所以今次同朋友去咗呢間咁就腳嘅Mr. K Pizza N Chicken。入到去播緊K-pop 嘅歌，好有氣氛，另外呢度嘅女店員非常有禮貌，會詳盡介紹呢度招牌主打，招呼周到。我哋今次嗌咗Mr.K 二人套餐，有前菜沙律丶Pizza 、炸雞或意粉，同埋飲品，今次揀咗以下嘅食物。凱撒沙律沙律嘅菜好爽脆清新，加埋新鮮嘅蕃茄仔，作為前菜，食落好開胃，另外沙律醬分開上，按自己需要加上去撈勻，味道更吸引。蟹肉樂園芝加哥薄餅 -半份套餐可以選擇雙拼口味，啱晒想試唔同口味同埋選擇困難嘅人。呢個Pizza嘅邊用咗黑糖麵包去整，味道帶甜味，令我諗起outback個黑糖麵包，做法坊間比較少有，好特別。另外師傅落嘅芝士絕對唔手軟，加咗雙倍水牛芝士丶車打芝士喺入面，令到成個芝士拉絲畫面好震撼，食落淡淡芝士好邪惡。上面嘅材料十分豐富，有蟹肉、蟹肉棒丶蜆肉 、車厘茄丶紅洋蔥等，每樣材料加埋都好夾，再加埋蒜香芝士醬丶秘製Mr.k醬同埋個蜜糖邊，好惹味。 海鮮狂熱芝加哥薄餅 -半份半份嘅薄餅，每件份量都好
銅鑼灣登龍街食店林立，最近新開咗一間專食韓國Pizza同埋炸雞嘅專門店，網上見到好多人食芝士拉絲Pizza ，勁邪惡，所以今次同朋友去咗呢間咁就腳嘅Mr. K Pizza N Chicken。入到去播緊K-pop 嘅歌，好有氣氛，另外呢度嘅女店員非常有禮貌，會詳盡介紹呢度招牌主打，招呼周到。我哋今次嗌咗Mr.K 二人套餐，有前菜沙律丶Pizza 、炸雞或意粉，同埋飲品，今次揀咗以下嘅食物。
凱撒沙律
沙律嘅菜好爽脆清新，加埋新鮮嘅蕃茄仔，作為前菜，食落好開胃，另外沙律醬分開上，按自己需要加上去撈勻，味道更吸引。
蟹肉樂園芝加哥薄餅 -半份
套餐可以選擇雙拼口味，啱晒想試唔同口味同埋選擇困難嘅人。呢個Pizza嘅邊用咗黑糖麵包去整，味道帶甜味，令我諗起outback個黑糖麵包，做法坊間比較少有，好特別。另外師傅落嘅芝士絕對唔手軟，加咗雙倍水牛芝士丶車打芝士喺入面，令到成個芝士拉絲畫面好震撼，食落淡淡芝士好邪惡。上面嘅材料十分豐富，有蟹肉、蟹肉棒丶蜆肉 、車厘茄丶紅洋蔥等，每樣材料加埋都好夾，再加埋蒜香芝士醬丶秘製Mr.k醬同埋個蜜糖邊，好惹味。
海鮮狂熱芝加哥薄餅 -半份
半份嘅薄餅，每件份量都好大，呢個雙拼感覺可以夠三人食。呢個Pizza 邊同樣係淡淡芝士，好邪惡。此外材料豐富，有魷魚丶蜆肉丶青口丶蟹肉棒丶青椒等，咬落淡淡海鮮，加上佢哋嘅秘製醬汁，味道層次豐富。
蜜糖芥末炸雞
一碟總共有五件，即叫即炸，上枱時夠熱辣辣，每件炸雞份量都好大份，炸雞係無骨，食落夠方便，表面淋上蜜糖芥末醬，夠哂惹味開胃，咬落仲脆卜卜，內裏充滿肉汁，好Juicy 。
藍乳酸特飲
每次見到乳酸嘅飲品，都忍唔住嗌，味道酸酸甜甜之餘，仲夠晒健康。
青蘋果檸檬特飲
青蘋果口味加上檸檬，口味清涼清新，非常解渴。
Post
