Felice Cafe & Pasta (Closed)

經常行銅鑼灣，搵嘢食嘅話我最鍾意去希雲街，因為有唔少特色餐廳，其中一間我幾鍾意嘅就係 Felice Cafe，食物做得唔錯，加上價錢唔貴，好啱約埋朋友傾偈食嘢。炸西西里島米丸子 $48，金黃香脆的外層，裏邊是米飯和芝士，幾特別嘅食法。蟹肉鹹蛋黃意粉 $98，係我每次嚟到都必食，因為我好鍾意食鹹蛋黃，而佢呢一度做嘅蟹肉鹹蛋黃意粉好似起沙咁，甘香可口。巴馬火腿火箭菜薄餅 $88，係個超級抵食嘅薄餅，表面鋪上巴馬火腿和火箭菜，咬落去淡淡茄蓉和芝士，加上餅底脆薄，好正👍🏼Unicorn $48 ，是mix了紅肉火龍果沙冰、藍莓沙冰，頂頭是忌廉，口感清甜爽口。另一杯焦糖咖啡，心型嘅拉花簡簡單單，而咖啡帶點果仁、焦糖的香氣。