Video
Read full review
2024-08-20
1402 views
難得上星期平日放假，阿叔決定要me time一吓，中環做完瑜伽後就一個人嚟到呢間位於中半山嘅咖啡店下午茶。🍗Crispy Gee ($145) 翻睇大家嘅社交平台分享，差唔多人人嚟到都食佢。超大塊嘅炸雞扒、加上上層嘅水波蛋、下層嘅牛油果牛角包窩夫，簡直係集天使與魔鬼於一身。面對住咁嘅賣相，身為外貌協會會員嘅阿叔我都抵抗唔到呢份誘惑！炸至外皮金黃色嘅炸雞扒超大塊，勁厚切，佢雖然外層酥脆，但入邊雞肉就依然保持嫩滑，肉汁又多。食之前，記得沾埋蛋汁，加埋少少牛油果同埋牛角包窩夫一齊食，非常惹味，極度邪惡。笑！🍹Lychee Tango ($65)食得咁濃味，當然最好配番呢杯以荔枝、芒果、菠蘿、香蕉同埋乳酪打勻嘅smoothies，味道夠晒清新，更加可以中和番炸雞扒嘅油膩感。
🍗Crispy Gee ($145)
翻睇大家嘅社交平台分享，差唔多人人嚟到都食佢。超大塊嘅炸雞扒、加上上層嘅水波蛋、下層嘅牛油果牛角包窩夫，簡直係集天使與魔鬼於一身。面對住咁嘅賣相，身為外貌協會會員嘅阿叔我都抵抗唔到呢份誘惑！
炸至外皮金黃色嘅炸雞扒超大塊，勁厚切，佢雖然外層酥脆，但入邊雞肉就依然保持嫩滑，肉汁又多。食之前，記得沾埋蛋汁，加埋少少牛油果同埋牛角包窩夫一齊食，非常惹味，極度邪惡。笑！
🍹Lychee Tango ($65)
食得咁濃味，當然最好配番呢杯以荔枝、芒果、菠蘿、香蕉同埋乳酪打勻嘅smoothies，味道夠晒清新，更加可以中和番炸雞扒嘅油膩感。
Post
