The Story Cafe and Bakery

Open Now

Now Closed

雖然我知青衣係美食荒漠，但估唔到依間cafe除咗食物質素唔過關之外，服務態度都唔好🤯因為嗰日係迪士尼玩完，諗住喺青衣城隨便搵一間餐廳食完就算，咁見到店名好似都唔錯咁，咁就諗住入去試吓，點知原來係一個伏‼️唔好睇個餐牌，以為好多嘢食，但基本上有三成都係冇🫢大蝦牛油果沙律 $88 推薦指數🗯️：🌞不推薦真心自己去超市買沙律食都唔食過佢，牛油果明顯係隨便切，切完放上去，大蝦也明顯未解好凍，食落口似食冰多過似食蝦，醬汁放得特別多，除咗最表面嗰層，基本上底下那些都已經鹹到食唔到蟹子三文魚炒飯 $78 推薦指數🗯️：🌞不推薦普通茶記炒飯都好食過佢，冇鑊氣又唔乾身，食落飯仲要痴住一嚿嚿咁，味道正正常常，好普通，真係好明顯嘅馬虎了事以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。