Video
Read full review
2021-06-06
332 views
Wheeee (｡･ω･｡)ﾉ٩(˃̶͈̀௰˂̶͈́)و【風流居酒屋 真係好鬼伏 等得先好book】星期日諗住同屋企人去支持吓黃店就去咗大圍呢間風流居酒屋，點知喺各方面都真係好伏🥲我哋4個冇book位，12點幾去到walk in，應該得返門口張大枱，雖然有啲逼、要攝入去坐低，𣎴過都冇所謂啦～坐低發現得3隻杯，都冇所謂啦，問佢攞返就ok啦～點知佢俾隻崩嘅茶杯我哋😂好啦十二點七落order，十二點九要炸嘅兩個飯嚟哂，魚生飯都可以未嚟（後面嗰枱都一樣喺到等魚生飯）最後係一點搭二！係一點搭二先嚟到！魚生飯要等半個幾鐘，唔講以為佢喺廚房入面釣緊魚😀我哋話個魚生飯未嚟，佢哋話整緊，之後大約一點聽到佢哋話「師傅返喇」🙂師傅未返工，你不如同我講話冇魚生飯，等我哋嗌第二樣嘢食？仲有，有魚生，但係唔俾豉油碟係咩玩法🥲直接倒豉油落啲飯到豉油撈飯？雖然食物質素ok，但係我絕對唔會再去食。有咁多間黃店，唔係一定要支持你呢間🙂～我是Menu～日式炸雞丼 $72炸雞炸得有啲硬，唔係好食嗰隻酥脆，雞肉亦唔係嫩滑多汁，呢個價錢喺黃大仙一間炸雞店已經可以食到嘔，唔推薦。天丼 $88有三隻炸蝦、兩塊南瓜、一嚿茄子、四份一粒菇、一條秋葵
【風流居酒屋 真係好鬼伏 等得先好book】
8 views
0 likes
0 comments
星期日諗住同屋企人去支持吓黃店就去咗大圍呢間風流居酒屋，點知喺各方面都真係好伏🥲
我哋4個冇book位，12點幾去到walk in，應該得返門口張大枱，雖然有啲逼、要攝入去坐低，𣎴過都冇所謂啦～坐低發現得3隻杯，都冇所謂啦，問佢攞返就ok啦～點知佢俾隻崩嘅茶杯我哋😂
好啦十二點七落order，十二點九要炸嘅兩個飯嚟哂，魚生飯都可以未嚟（後面嗰枱都一樣喺到等魚生飯）最後係一點搭二！係一點搭二先嚟到！魚生飯要等半個幾鐘，唔講以為佢喺廚房入面釣緊魚😀我哋話個魚生飯未嚟，佢哋話整緊，之後大約一點聽到佢哋話「師傅返喇」🙂師傅未返工，你不如同我講話冇魚生飯，等我哋嗌第二樣嘢食？
仲有，有魚生，但係唔俾豉油碟係咩玩法🥲直接倒豉油落啲飯到豉油撈飯？
雖然食物質素ok，但係我絕對唔會再去食。有咁多間黃店，唔係一定要支持你呢間🙂
～我是Menu～
日式炸雞丼
$72
13 views
0 likes
0 comments
日式炸雞丼 $72
炸雞炸得有啲硬，唔係好食嗰隻酥脆，雞肉亦唔係嫩滑多汁，呢個價錢喺黃大仙一間炸雞店已經可以食到嘔，唔推薦。
天丼
$88
9 views
0 likes
0 comments
天丼 $88
有三隻炸蝦、兩塊南瓜、一嚿茄子、四份一粒菇、一條秋葵、一條粟米仔。呢個真係幾好食，特別係粟米仔，冇草青味得嚟仲夠哂爽脆，非常有驚喜。
海膽三文魚丼
$88
19 views
0 likes
0 comments
海膽三文魚丼 $88
幾塊薄切三文魚加幾嚿海膽，味道ok，海膽唔臭，但唔係話好好食。
（大埔有間黃店平過佢，但海膽係鮮甜，超好食。）
風流三色丼
$88
6 views
0 likes
0 comments
風流三色丼 $88
呢個少啲三文魚同海膽，多咗帶子。睇落都幾大塊，不過唔厚，佢應該有將帶子一開二，所以先咁薄。味道一樣係正常啦。
～評分～ (5分滿分）
環境：🦦🦦🦦
食物：🍯🍯🍯
服務：🐻
總分：💛💛💛
٩(˃̶͈̀௰˂̶͈́)و：等到熱飯都食晒都仲未有冷飯，啲魚係咪仲未劏完 T^T 好餓啊
(｡･ω･｡)ﾉ：最好食過好多間黃店都好正，係得佢一間咁伏🙃
地址：
風流居酒屋 (大圍)
大圍大圍村第3街32號地舖
Post
