叉燒丼家

Open Now

Now Closed

【黃大仙區】【叉燒丼家】明明之前有機會喺火炭工商業區做嘢，但係忽然又少咗呢個機會，反而要入新蒲崗嗰邊嘅工廈，搞到 1am火炭工業區 系列又要停擺。不過，每日至少一篇嘅步伐係唔會停低，沙田嘅讀者，咪當睇吓其他工商業區嘅伙食。唔知大家返工有冇得自由選擇放飯時間，我就最中意喺下午茶時段食嘢嘅，因為不但可以多個下午茶 menu，而且就算唔啱食，叫返正常 menu 嘅話，多數都唔會為難你嘅。唔知大家點諗，歡迎發表吓意見，無所謂架。一場嚟到見到呢幢大廈間嘢靚過出面市區啲餐廳添喎，個餐廳名有叉燒兩個字，即係招牌菜係叉燒啦。睇吓有冇叉燒嘅選擇，食吓佢啲撚手嘢吖嘛，之但係叉燒多數都配飯，我又唔多好食米飯，所以入去都係有啲擔心。睇下午茶 menu 見到有「細肥叉燒煎蛋丼飯」就知佢幫到我解決我嘅困擾，可以畀我試到佢啲叉燒而又減少到米飯進食份量。叉燒係 okay，略嫌蛋汁同豉油汁有啲唔夠，食到尾啲飯要硬食，但係配「凍檸茶」少甜 $42 又唔貴。見自己仲食到啲嘢，不如叫多個餐，見到「脆洋蔥圈叉燒芝士漢堡配薯條」幾特別，叉燒配漢堡包都冇乜違和感，幾得意。今次我配個「凍檸茶」走甜就 $52，個人認為呢份中西合壁嘢一