樂天經典 (Closed)

茶壺都靚過人。星洲黑胡椒螃蟹($368)，好大隻肉蟹，黑胡椒味超濃，除左蟹拑啖啖肉之外，蟹身都好多肉，黑椒唔好浪費，用黎撈飯或麵都得。泰式海鮮炒米粉(S) ($88)，海鮮有蝦、魷魚之類，居然仲有鱔魚，米粉用左蝦膏醬炒過，實在太好味喇。沙律排骨(S) ($88)，肉係用豬扒，而且去埋骨，可以啖啖肉咁食，沙律醬調較得好味，醬亦都夠多。蒜香紅海蜇頭($75)，海蜇有別於平時一條條切法，今次係一塊塊，食落更有口感，調味汁酸尾尾，開胃。招牌扣肉包($28)，扣肉真係好腍，有入口即溶感覺，配埋包可以解一解油膩既感覺。楊枝甘露($36)，清甜足料，食到好多柚子肉。蘋果與荔枝凍茶($28)，口感清新冰涼，而且入面仲有蘋果和荔枝果肉。