Dear Coffee & Bakery (Moved) New Location

主打100%紫薯包嘅Cafe位於大圍舊式商場之中，不過店入面座位唔多，所以經常要排隊。100%紫薯包係店入面嘅生招牌，賣相似花非常呃Like，落單之後店員會為你烘熱。呢間鋪頭嘅特色係麵包全部純天然手做，所以咬口偏硬。紫薯餡亦係百份百純紫薯，感覺非常健康，但由於無添加，味道極淡。奶油草莓芝士蛋糕賣相同樣討好，意大利芝士同乳酪配上日本士多啤梨，味道清新。Matcha Latte 拉花精美，但味道唔太突出。不過Cafe座位較少同偏窄，假日旺場時難以享受悠閒節奏。