HeyYo!! (Closed)

【 指定款式買一磅，會送多一磅 】 一直以為HeyYo!!只得雪糕蛋糕，原來都有其他選擇架！早前經過青衣城分店，眼見蛋糕櫃主打雪糕蛋糕，只得幾款普通蛋糕show出來，想走之際，店員拎左幾張蛋糕單張俾我睇，原來有好多款架！雖然造型無雪糕蛋糕咁吸引。我地全家都好鍾意食拿破崙，今次仔仔生日，我地揀左 HeyYo!! 的忌廉曲奇拿破崙。有驚喜喎！雖然頭一層的Cream好厚，但味道唔算太甜，拿破崙餅底都幾脆，整體感覺唔錯。而且而家仲做緊優惠，購買指定款式可以買一磅，會送多一磅，即是$228有兩磅蛋糕，即刻覺得好抵！加$10就可以有手寫生日牌。