Video
Read full review
2022-12-12
855 views
等咗好耐嘅冬天，終於吹嚟幾陣涼風，係時候食吓煲仔飯。廟街夜晚亮起一個個小燈泡，有少少似夜市，但啲枱枱櫈櫈都係由餐廳延伸出馬路。平時冇咩機會坐喺馬路食飯，衛生情況唔怕講真係一般般，地下仲可能有酒樽同煙頭，不過同時又覺得咁樣食都幾地道。溫馨提示，晚餐時段就預多少少時間排隊了，星期六夜晚排到轉彎～💡 窩蛋牛肉加鵝肝潤腸煲仔飯 $77第一次見到鵝肝潤腸，瞬間覺得食緊fusion菜咁～簡單解釋一下啦，平時嘅潤腸多數用鴨肝加調味料，塞入腸衣再風乾而成。將鴨肝換成鵝肝，味道就更濃了，本身都有嘅咸香，再加鵝肝嘅油香，咬落去就係豐腴軟滑嘅口感，但我反而鍾意原味有返少少咬口同甘香。 窩蛋牛肉呢個組合真係always true，牛肉唔嚡又有肉味，伴住生蛋食都幾香，返去都冇因為隻蛋肚痛。💡 田雞雞煲仔飯 $79有冇人同我一樣都幾鍾意食田雞👉🏻👈🏻？田雞雖然細細隻，但肉質鮮嫩，唔係度度都有得掞田雞～平時又鍾意食滑雞，所以就整返個雙雞組合。唔知係咪預咗你落甜豉油，本身雙雞調味就啖咗少少，不過又真係好滑，撈傻一流！仲要真係炭燒直上，手柄都仲好熱。不得不提，底底係有飯焦㗎😻完全中晒我想要嘅程度，因為又唔會焦到黑同太多
溫馨提示，晚餐時段就預多少少時間排隊了，星期六夜晚排到轉彎～
💡 窩蛋牛肉加鵝肝潤腸煲仔飯 $77
第一次見到鵝肝潤腸，瞬間覺得食緊fusion菜咁～簡單解釋一下啦，平時嘅潤腸多數用鴨肝加調味料，塞入腸衣再風乾而成。將鴨肝換成鵝肝，味道就更濃了，本身都有嘅咸香，再加鵝肝嘅油香，咬落去就係豐腴軟滑嘅口感，但我反而鍾意原味有返少少咬口同甘香。 窩蛋牛肉呢個組合真係always true，牛肉唔嚡又有肉味，伴住生蛋食都幾香，返去都冇因為隻蛋肚痛。
💡 田雞雞煲仔飯 $79
有冇人同我一樣都幾鍾意食田雞👉🏻👈🏻？田雞雖然細細隻，但肉質鮮嫩，唔係度度都有得掞田雞～平時又鍾意食滑雞，所以就整返個雙雞組合。唔知係咪預咗你落甜豉油，本身雙雞調味就啖咗少少，不過又真係好滑，撈傻一流！仲要真係炭燒直上，手柄都仲好熱。
不得不提，底底係有飯焦㗎😻完全中晒我想要嘅程度，因為又唔會焦到黑同太多，畢竟都要啲牙力咬，適到好處有啲咬口又唔會令啲飯太乾！
💛💛💛 蠔餅 (細) $50
呢個蠔餅真心不得了，煲仔飯或者都唔少地方做到呢個水準，但蠔餅真係有意外驚喜！份量上都幾細心，出面通常得一大碟咁上，兩個人食完個蠔餅都膩到唔想食其他嘢。但呢度細細碟，兩個人share正好～
咬落非常香脆，仲有陣陣蛋香味，蠔仔唔會細到見唔到，有啲仲有手指尾咁大隻，咬到就好有鮮味。平時食真係好怕粉漿感太重，食一舊都飽，呢個冇出面嘅咁膩。個人覺得比煲仔飯更加出色！✨
醬汁方面，平時多數蘸點喼汁咁食，呢度係用豆瓣醬，我估佢再落咗啲糖，因為有一陣甜味，食落比點喼汁更有層次，同蓋過陣油味。
Post
