Video
Read full review
2021-11-10
132 views
同朋友一路傾計一路行，穿過大街，由灣仔地鐵站行大概5分鐘就入咗嚟汕頭街呢條小巷，行到盡頭就到達呢間角落隱世Cafe小店📍店面好有格調，簡單又不失型格，設有幾張戶外坐位，可惜我太惹蚊，唯有放棄坐戶外嘅樂趣⋯但原來室內嘅裝潢都令人好驚喜，牆上有掛畫，亦有擺設格仔櫃裝飾，聽住旋律柔和嘅英文歌，坐係度都覺得感受到淡淡嘅藝術氣息🕰🎼✍🏻 / Seared Scallop Aglio Olio💵價錢：HK$133🔘美味指數：❤️❤️❤️❤️❤️呢個係我極力推薦嘅意粉，真係我暫時食過最好味嘅意粉，意粉爽口彈牙，辣辣地好過癮吖！仲有煎到好靚嘅帶子，1碟有成3大粒，咁嘅價錢仲諗咩喎🤤✨✍🏻 / Seared Tuna Salad💵價錢：HK$108🔘美味指數：❤️❤️❤️❤️❤️呢碟沙律其實係一個美麗嘅意外⋯原本係想食牛肉沙律，點知一坐低嗌野食時，可能佢地嘅賣相太似，就唔小心叫咗呢碟吞拿魚排沙律。直到上菜時，仲心諗緊點解啲牛肉嘅表面咁光滑咁，原來食落先知自己叫錯咗吞拿魚沙律。不過完全冇後悔點解自己咁蠢（笑），因為啲吞拿魚有成6舊，外層係微微燒焦，食落咸咸地，夾埋啲牛油果、沙律菜同麵包粒食，正！而且仲有幾塊煙三文魚，超抵食🈵
✍🏻 / Seared Scallop Aglio Olio
💵價錢：HK$133
🔘美味指數：❤️❤️❤️❤️❤️
呢個係我極力推薦嘅意粉，真係我暫時食過最好味嘅意粉，意粉爽口彈牙，辣辣地好過癮吖！仲有煎到好靚嘅帶子，1碟有成3大粒，咁嘅價錢仲諗咩喎🤤✨
Seared Scallop Aglio Olio
$133
23 views
0 likes
0 comments
✍🏻 / Seared Tuna Salad
💵價錢：HK$108
🔘美味指數：❤️❤️❤️❤️❤️
呢碟沙律其實係一個美麗嘅意外⋯原本係想食牛肉沙律，點知一坐低嗌野食時，可能佢地嘅賣相太似，就唔小心叫咗呢碟吞拿魚排沙律。直到上菜時，仲心諗緊點解啲牛肉嘅表面咁光滑咁，原來食落先知自己叫錯咗吞拿魚沙律。不過完全冇後悔點解自己咁蠢（笑），因為啲吞拿魚有成6舊，外層係微微燒焦，食落咸咸地，夾埋啲牛油果、沙律菜同麵包粒食，正！而且仲有幾塊煙三文魚，超抵食🈵👍🏻
Seared Tuna Salad
$108
94 views
1 likes
0 comments
Seared Tuna Salad
$108
35 views
1 likes
0 comments
✍🏻 / Cheese Fries
💵價錢：HK$45
🔘美味指數：❤️❤️❤️❤️🤍
其實呢間野所有野食份量都好勁，呢份薯條超熱辣辣上菜，份量多到食唔曬添～薯條上沾上一層薄薄芝士，雖然我不好芝士，但都食咗成半份。但如果有額外配個醬點吓，食落就更過癮😜✨
Cheese Fries
$45
12 views
0 likes
0 comments
最後，其實呢間Cafe小店主打係咖啡，仲有得獎咖啡豆添～但夜媽媽飲有啲驚會瞓唔著，唯有下次中午再去試吓！不過夜媽媽想把酒談心，呢度嘅環境都十分適合㗎～除咗紅酒同白酒，仲有手工啤同cocktail畀你揀，cheers🥂✨
💵埋單價錢：HK$310/2人（未計酒）
🔘整體美味指數：❤️❤️❤❤❤
Post
