低調高手大街小食

Open Now

Now Closed

一經過筲箕灣，就會忍唔住食呢間嘅雞蛋仔。☺️今次星期日去，就等咗大約20分鐘，不過完全值得‼️ 上手時係溫熱，一搣就完整搣到，可見邊位已經好脆。每粒都做到外脆內軟，入面係蛋糕質感，一半空氣一半糕，仲有啲蛋香味。之前睇訪問講過，老闆連紙袋都落足心機，專登自己再打多幾個窿，希望透氣做得好啲。雞蛋仔真係香港人嘅回憶，好欣賞老闆唔係hea做，呃下學生哥錢就算(平時街上都唔少伏又冇心機嘅雞蛋仔)，好認真研究點樣去做好香港小食名物。每一底都即叫即整，仲幾乎日日親身到店坐陣。未試過嘅一定要試，試過嘅不如支持多幾次。