Video
Read full review
2023-08-31
36 views
【🌤️Ohayoおはよう! | 珍惜每一個好心情】“ohayoおはよう”係日文嘅早晨意思，相信大家都聽過！今日藍月亮滿月趁風暴前趕去食個開心能量Tea！餐廳環境好靚，設計日式，有卡位有圓枱仲有望海嘅吧枱高櫈，想坐就坐，店員畀晒自己度客人。餐牌好可愛，睇完可用QR code手機落單，好方便。🌤️煎雞扒炒蛋全日早餐雞扒、腸仔、煙肉、炒蛋、茄汁焗豆、蕃茄、沙律菜、牛角包、薯條、車厘茄。好豐富呀！炒蛋有奶味，可能加入咗少少奶或忌廉，另外要讚吓腸仔超好食😋。🌤️OHAYO蜜瓜雪山熱香餅註明每日限量12份，目測附近食客起碼點咗3個，我都唔執輸先得！雲尼拿雪糕、好多bb恩物星星脆脆，熱香餅坐住半個蜜瓜🍈，瓜中間有幾粒密瓜啫喱😍雪糕好食，出奇地耐熱，影好耐相都唔熔😋，熱香餅質地似pancake又有少少海綿蛋糕狀，又香又軟滑，蜜瓜好爽甜，本身用匙羹刮刮吓，最後都係手起刀落切粒粒食容易啲與朋友分享，碟上舖滿了蜜糖，蜜瓜點少少蜜糖更帶出甜味。🌤️熱咖啡與富士山🗻咖啡可落單時選好走奶或多奶，味道較輕，順喉易入口。富士山係好靚嘅波子汽水嚟，賣相好靚，心情都好返晒。🥰Ohayo by Ocio 📍尖沙咀廣東道3-27號海
“ohayoおはよう”係日文嘅早晨意思，相信大家都聽過！今日藍月亮滿月趁風暴前趕去食個開心能量Tea！
餐廳環境好靚，設計日式，有卡位有圓枱仲有望海嘅吧枱高櫈，想坐就坐，店員畀晒自己度客人。
餐牌好可愛，睇完可用QR code手機落單，好方便。
🌤️煎雞扒炒蛋全日早餐
雞扒、腸仔、煙肉、炒蛋、茄汁焗豆、蕃茄、沙律菜、牛角包、薯條、車厘茄。好豐富呀！
炒蛋有奶味，可能加入咗少少奶或忌廉，另外要讚吓腸仔超好食😋。
🌤️OHAYO蜜瓜雪山熱香餅
註明每日限量12份，目測附近食客起碼點咗3個，我都唔執輸先得！
雲尼拿雪糕、好多bb恩物星星脆脆，熱香餅坐住半個蜜瓜🍈，瓜中間有幾粒密瓜啫喱😍雪糕好食，出奇地耐熱，影好耐相都唔熔😋，熱香餅質地似pancake又有少少海綿蛋糕狀，又香又軟滑，蜜瓜好爽甜，本身用匙羹刮刮吓，最後都係手起刀落切粒粒食容易啲與朋友分享，碟上舖滿了蜜糖，蜜瓜點少少蜜糖更帶出甜味。
🌤️熱咖啡與富士山🗻
咖啡可落單時選好走奶或多奶，味道較輕，順喉易入口。
富士山係好靚嘅波子汽水嚟，賣相好靚，心情都好返晒。
🥰Ohayo by Ocio
📍尖沙咀廣東道3-27號海港城海運大廈地下OTG19號舖
#ohyao #尖沙咀美食 #日式海景餐廳 #海運大廈 #海港城 #心情好好 #好食 #有素食餐單 #雙魚座滿月 #藍月亮
Post
