燒烤堂 (Moved) New Location

返工好累抑或心情納悶，去燒烤堂食餐飯或者幫到你💛。偏好銅鑼灣分店，裝修陳設走居酒屋風格，放低電話專心用餐，氛圍確幾正。是晚過返九龍，尖沙咀太多餐廳，一直未有試過尖沙咀分店，一book 有位，就揀佢啦，氣氛一樣正。一如既往，串燒凡多，單睇menu，夠玩5分鐘有多。前菜🍴桂花蜜糖本地冷蕃茄 $28蕃薯清甜，但欠濃郁。配上蜜糖味，不算不配，但無乜驚喜。留肚食串燒，更加實際。🍴川燒元貝 $98/隻職員指，今日元貝來貨更靚，價錢亦都upgrade，絕對值得一試。元貝比手掌仲要大，帶子肉也非常有睇頭，厚肉鮮甜。川燒帶刺激辣味，令粉絲提升層次，極度惹味。不過亦都掩蓋海鮮嘅鮮味，下次再揀都會揀返蒜蓉燒。🍴芝士年糕 $38芝士流心係冇辦法抗拒，味道濃郁，外面嘅年糕軟糯，輕輕燒香表面，送酒必點。🍴鹹蛋黃墨魚餅 $68邪惡級！墨魚餅非常彈牙，配上鹹蛋黃，會令你一試再試。🍴豚肉節瓜波板糖🍭 $38極薄嘅豚肉，包住極薄嘅節瓜，將兩層慢慢捲起形成波板糖形狀。燒嘅時候配上自家製醬汁，兩者嘅味道非常相配，再加上月見，整件事非常配合，每次必點。選擇勁多，欲罷不能，唯有多試幾次，才可食匀所有。