Video
Read full review
2023-05-02
490 views
成日睇日本旅游節目都見到有杯雪糕上面好多栗子條條勁吸引我😍！我已經Book mark咗去日本🇯🇵一定要試！原來未有假去日本都唔使恨住，香港【Kuru Lab】都食到，即刻衝去試😋【Kuru Lab】最新主打日系精緻甜品🍮，我最想食嘅栗子雪糕採用熊本縣的球磨栗子🌰，加以獨特製法，大大提升栗子天然甜味同香氣😌和栗蒙布朗麻薯雪糕 $68好開心可以試到依款雪糕，睇電視真係睇到心心眼，真身都好靚好吸引，栗子味好香好細膩，內層有自家製麻薯，非常煙韌同鬆軟，日本厚忌廉增強綿密口感，加上我最鍾意嘅日式草莓雪糕🍓，層次感好豐富除咗自家製曲奇雪糕筒裝🍦，另有杯裝選擇，價錢都係一樣。朋友揀咗濃朱古力味，入口滿滿香濃朱古力🍫，鍾意朱古力味朋友仔一定要試😋 大福雪糕 $58作為煙靭控嘅Venus真係超級推介一定要試依到嘅大福雪糕，日式大福餅皮入口果種軟綿綿得嚟又煙靭嘅口感真係第一次食到，忍唔住問店員點解咁好食？佢話用咗黃金比例全手工自家製，再包住日本直送厚忌廉，所以口感係好特別。底層清甜十勝紅豆🫘都好加分，雪糕我就揀咗雲呢拿非常之夾。賣相靚、味道好、有得打卡，諗唔到唔試嘅理由日式濃蛋焦糖燉蛋 $38日式+法式f
成日睇日本旅游節目都見到有杯雪糕上面好多栗子條條勁吸引我😍！我已經Book mark咗去日本🇯🇵一定要試！原來未有假去日本都唔使恨住，香港【Kuru Lab】都食到，即刻衝去試😋
【Kuru Lab】最新主打日系精緻甜品🍮，我最想食嘅栗子雪糕採用熊本縣的球磨栗子🌰，加以獨特製法，大大提升栗子天然甜味同香氣😌
和栗蒙布朗麻薯雪糕 $68
好開心可以試到依款雪糕，睇電視真係睇到心心眼，真身都好靚好吸引，栗子味好香好細膩，內層有自家製麻薯，非常煙韌同鬆軟，日本厚忌廉增強綿密口感，加上我最鍾意嘅日式草莓雪糕🍓，層次感好豐富
除咗自家製曲奇雪糕筒裝🍦，另有杯裝選擇，價錢都係一樣。朋友揀咗濃朱古力味，入口滿滿香濃朱古力🍫，鍾意朱古力味朋友仔一定要試😋
大福雪糕 $58
作為煙靭控嘅Venus真係超級推介一定要試依到嘅大福雪糕，日式大福餅皮入口果種軟綿綿得嚟又煙靭嘅口感真係第一次食到，忍唔住問店員點解咁好食？佢話用咗黃金比例全手工自家製，再包住日本直送厚忌廉，所以口感係好特別。底層清甜十勝紅豆🫘都好加分，雪糕我就揀咗雲呢拿非常之夾。賣相靚、味道好、有得打卡，諗唔到唔試嘅理由
日式濃蛋焦糖燉蛋 $38
日式+法式fusion甜品，用日本濃香雞蛋，加上法式製作方法，以調配獨家糖蛋奶的完美比例，有法式的外脆內軟、又有日式傳統蛋香及幼滑口感。裝焦糖燉蛋嘅高溫陶瓷杯都有特別意思，用咗十二生肖動物為主題，食完可以重用㗎，送比朋友都可以表達多份心思～
Kuru Lab
📍地址：屯門屯順街1號屯門市廣場1樓1268號舖
📞查詢電話：21318988
⏰營業時間：1100-2000
Post
