Odelice! (PopCorn 1)

Open Now

Now Closed

係將軍澳想搵間靚餐廳同朋友食飯吹吓水，一係就要去到將軍澳南果邊，價錢就有 d 貴，如果唔想花大錢，推介呢間 ÔDELICE，裝修有d 特色既西餐廳，因為我有預先訂位，安排左一邊空間感較大既座位，可以同朋友坐得舒服 d，不過當日只限用餐 90 分鐘，餐廳外已經有人排隊，所以想同朋友吹水吹耐 d 就要再搵地方飲野。試左 2 款 lunch, 份量適中，唔會太少或太大份食唔晒。澳洲牛胸腹扒，配燒薯粒，火箭菜，香草醬，揀左 medium，呢個生熟度就啱，食到牛肉既嫩滑但又唔會血淋淋，牛扒淋上香草醬，令到牛扒帶有清新鮮味，味道口感都好味。蟹肉芝士菠菜意大利雲吞配鮮檸牛油汁，呢款面層舖滿蟹肉，唔會好似其他餐廳咁只係得一細 pat，見到咁多蟹肉已經值回票價，芝士菠菜意大利雲吞就正常發揮，但個汁就有ｄ驚喜，輕盈既牛油汁只有微微檸檬香氣，中和番個芝士同牛油既油膩感。生牛肉他他牛角包，呢個係 starter，生牛肉好軟滑，帶少少咸香，配牛角包就變到又酥又滑既口感，好味。