百變蛋君 (Closed)

由細到大，銅鑼灣謝斐道一帶，都係小食店🍢嘅集中地，以前小朋友嘅時候，阿媽就最鍾意買小販檔嘅栗子，我就鍾意買粟米🌽。時至今日，無晒小販檔，全部變晒地面舖，價錢亦大大不同！😕.近日，阿叔👨🏻發現附近嘅寵物街新開咗一間雞蛋仔🧇專門店，呢間專門店有好多唔同口味、創意十足嘅雞蛋仔，榴蓮、天椒🌶麻辣牛肉、榮華臘腸、好多朱古力🍫等等，好得意。阿叔個人比較保守啲，第一次嚟幫襯先食抹茶紅豆🍵($25)。開放式嘅廚房睇得出店員落重餡料，極多抹茶粉、紅豆做成嘅蛋漿，好大板嘅雞蛋仔，粒粒都實的的，食完一底飽足成個下晝！😝😝😝