十一茶屋 (Closed)

因為受到疫情🦠影響，早前好多小店都迫不得已地暫時關閉以減低營運成本，呢排見疫情終於有緩和跡象，大家都逐漸開番喇！🙌🏼.呢間嚟自台南、位於灣仔碼頭嘅茶屋就係其中一間。茶屋以台灣茶葉沖泡，標榜所有飲品都係全天然、無添加，加上賣相色彩繽紛，飲得健康之餘，望見都心花怒放！🤩.#玫瑰檸檬蜜 ($30)，玫瑰花茶🌹加入檸檬🍋同蜜糖，酸酸甜甜，令人好醒神。除此之外，花茶更有助美容養顏、滋潤皮膚同舒緩解鬰，啱晒貪靚嘅女士們啦！💁🏻‍♀️.#鐵觀音歐蕾($30)，期間限定茶飲系列之一。歐蕾係法文牛奶🥛嘅意思，成杯即係以鐵觀音作茶底沖泡嘅奶茶。茶味濃郁，奶味又唔會過重，好啱阿叔朝早返工未瞓醒🥱時飲！哈！😝.如果想再開心啲😚，記得要以$10加埋彩色手工珍珠，由白玉、藍蝴蝶、火龍果、小薯圓做成嘅珍珠，絕無添加化學色素，煙煙韌韌，睇得開心，又飲得放心！😋.茶屋甫開番即推出多項優惠🤪，由今日開始，會免費送出100杯鐵觀音茶飲系列🥤，先到先得，送完即止架☝🏽！萬一錯過呢個免費活動，即日起購買呢個系列滿指定金額，更有折扣優惠添！如果嚟開搭船過海，記著買杯開心一吓喇！