Parkview (新都會廣場) (Closed)

呢間位於葵芳大型商場最低嗰層嘅西餐廳🍴，面積夠大，環境舒適，最啱同朋友👫喺附近行完街，攰攰地過嚟晚飯🍴或者食Tea🥞休息吓。呢日同朋友行開附近，剛巧又到食晚飯時間🕢，咁就好自然地入咗嚟食喇！哈哈！😆呢度有多款2人套餐可選擇，一個餐包晒湯🥣、主菜🥘，意粉或意大利飯🍝、甜品🍨及餐飲☕️，價錢由$388至$588，視乎你食咩主菜。今次我同朋友就叫咗烤美國安格斯肉眼牛扒🐮作為我哋套餐嘅主菜，價錢$488，2個人除兩舊水多啲仲包埋其他食物，以呢間餐廳級數同埋呢度嘅食物質數嚟講，價錢都可以接受。👍🏼 呢個2人餐查實都幾飽吓！😙首先，隨餐跟蘑菇忌廉湯，不過阿叔選擇飲豪啲，另加$25轉龍蝦酥皮湯🦞，金黃色嘅酥皮，熱辣辣，最鍾意將酥皮浸入味道濃郁嘅龍蝦湯中一齊食，味道更佳🤤。主菜烤美國安格斯肉眼牛扒果然係呢期餐廳人氣Top 3之一，叫咗5成熟，好香牛肉味兼肉質幼嫩😋。另外，我哋亦叫咗香煎北海道帶子野菌南瓜意大利飯🍚，好creamy嘅意大利飯，南瓜味重。最後加埋甜品跟餐茶，好滿足嘅一餐！😀