Video
Read full review
2014-05-11
2147 views
位於新蒲崗Mikiki商場門外竟然有一間主打沖繩飲食既食店-Antoshimo,當然要試下咩一回事啦!畢竟香港有沖繩既野食唔多,而且價錢昂貴!呢間Antoshimo 工房係海外第一間分店，店方希望推廣沖繩文化,用左cafe既形式.(日本個邊冇cafe)一去到,已經見到店既大門有Shiso(沙獅-沖繩既吉祥物)既圖案!!! 入到去,店內燈光充足,有街燈、街燈柱同埋圓罩燈既點驟,右邊牆有如格仔漫畫風格，加入趣緻既「Oki 繽」公仔既對話,自我介紹同埋有紅、藍、黃、綠四色作底色,令環境充滿歡樂色彩既氣氛！ 周圍亦唔難發現沙獅既踪影架! 另外亦放置左介紹沖繩既中文同日文既旅遊書，可以話增加大家認識多D呢個島既!坐底,睇下Menu有散叫同便當Set.散叫唔抵,剩系杯野飲近$30!!所以建議叫Set.Set有3款,第一次食既可以揀或,始終呢兩款都係沖繩野.包就3甜3鹹:甜-A(紅豆配日本年糕);B(紫蕃薯配日本年糕);G(芝麻配日本年糕)鹹-C(咖哩配東坡豚肉);O(咖哩配雞肉);J(薯蓉)桃桃もも – 「一心」壽宮料理先食繽>手延麵>苦瓜奄列>海葡萄沙律>水雲
呢間Antoshimo 工房係海外第一間分店，店方希望推廣沖繩文化,用左cafe既形式.(日本個邊冇cafe)
一去到,已經見到店既大門有Shiso(沙獅-沖繩既吉祥物)既圖案!!! 入到去,店內燈光充足,有街燈、街燈柱同埋圓罩燈既點驟,右邊牆有如格仔漫畫風格，加入趣緻既「Oki 繽」公仔既對話,自我介紹同埋有紅、藍、黃、綠四色作底色,令環境充滿歡樂色彩既氣氛！
周圍亦唔難發現沙獅既踪影架! 另外亦放置左介紹沖繩既中文同日文既旅遊書，可以話增加大家認識多D呢個島既!
坐底,睇下Menu有散叫同便當Set.散叫唔抵,剩系杯野飲近$30!!所以建議叫Set.Set有3款,第一次食既可以揀[宮城肉醬飯定食]或[一心壽宮料理定食],始終呢兩款都係沖繩野.包就3甜3鹹:
甜-A(紅豆配日本年糕);B(紫蕃薯配日本年糕);G(芝麻配日本年糕)
鹹-C(咖哩配東坡豚肉);O(咖哩配雞肉);J(薯蓉)
桃桃もも – 「一心」壽宮料理
先食繽>手延麵>苦瓜奄列>海葡萄沙律>水雲 (趁繽同麵仲熱就食)
外皮有日本特制Tsubu Tsubu米粉粒,脆口得黎唔油膩,內裏質感鬆軟,沖繩名產物紫薯加上軟綿既年糕煙韌又多元化,甜而不滯!! 壽喜燒清湯手延麵
湯入口清甜!!麵用上沖繩苦瓜作食材，煙韌唔苦又美味！搭上紫菜絲及熟洋蔥就更惹味!
柚花 ゆず – 沖繩宮城肉醬飯
先食繽>肉醬飯>苦瓜奄列>海葡萄沙律>水雲 (趁繽同飯仲熱就食)
外皮一樣咬落香脆,さくさく既口感!!爽脆時蔬面絲混入甜辣既咖喱雞做餡非常"夾"!!肉香鮮味又肉質爽嫩鬆化唔"un"!!肉醬飯
飯有咬口,唔太濕又唔乾..但偏甜...配上又係偏甜既肉醬好似食甜品... 苦瓜奄列
苦瓜切得細塊同薄,唔苦同捲成卷狀既芝士同帶既蛋液炒蛋味道配合而且食落唔乾身,加埋上面d日本燒汁、沙律醬再灑上木魚絲同紫菜絲，送飯都幾惹味!!(中和下肉醬飯既甜味)海葡萄沙律
有些少鹹味,入口爽脆,咬出卜卜聲,配以柚子芥茉汁既沙律一齊,清爽開胃!! 又可以降血壓血脂,健康有益!!水雲
沖繩又一特産,問店員話係藻類既一種,低卡路里,有褐藻素對胃好,看似啡色既粉絲,食落滑溜溜,因本身沾左醋味道酸酸甜甜,少少爽口,份量唔多.都值得一試！黑糖芝媽咪 (花生豆腐)
外觀滑溜狀似豆腐,舀起既時候,可以拉起,好似有好強黏性既日本年糕/糯米滋,口感特別有彈性帶煙韌!!配合沖繩黑糖，作為飯後甜點都還可以!飮品個度:一個玄米茶,另一個加錢轉沖繩黑糖檸檬茶
玄米茶:熱既,有d茶香,玄米既香就弱d
沖繩黑糖檸檬茶:遠望似有cream既咖啡,近睇似啡色溶緊既沙冰,味道同凍檸茶無乜分別,只不過糖漿轉黑糖罷了~
總體味道 :比我感覺好多都係甜,跟住酸酸地,食完唔"漏"//滯,清清地,個繽都唔係話比到好"熱氣"既感覺..
份量:女仔食好夠,男仔還可以
環境 :光鮮企理,室內設計都可感受到日本沖繩文化既原素既,店員著左有Shiso既衫,店內近左邊係白色高櫈,中間正常餐桌,右邊係半卡位,一入店望到廚房,有一缸"海葡萄"可以睇下,飄下飄下,有D女仔話恐怖...
服務 :主要為女店員,一個著便服既香港人店長.店員冇乜笑容,但有問必答(廢話...),見到客人有時就用日文講歡迎同多謝...不過部分店員講いらっしゃい(i-ra-sya-i 歡迎光臨)好似講到 2-3-1-4 咁;店長就幾有禮貌,客人走時都會主動開門,彎身約30度用日文講多謝!!
Other Info. :
店內左邊有沖繩產物賣,石垣鹽曲奇同有得試食黑糖花生有得試食,有問題,店員都會作簡單介紹~~~
坐地鐵既,可以係黃大仙D出,有20m小巴去新蒲崗終站落~~~
(The above review is the personal opinion of a user which does not represent OpenRice's point of view.)
Post
