原居民 (Closed)

一個人之夜。答應了某人 一個人生活也要過得好。經過寧靜的原居民 坐低 讓自己過一個食得好的晚上。我揀咗火箭菜虎蝦沙律 ，虎蝦蟹肉美國蜆蘑菇意大利飯. 先來上前菜. 火箭菜虎蝦沙律 ，賣相唔錯! 先食虎蝦,虎蝦鮮甜 ，配上 呢個沙律汁 同火箭菜 ，味道一流。虎蝦新鮮爽口， 火箭菜新鮮，下面嘅芒果鮮甜多汁 ，mix 咗之後 ，口感新鮮！再上是日餐湯 南瓜湯，有香濃既南瓜味同忌廉味，亦都好滑，飲得出是廚房既用心之作， 香滑味美！ 蒜蓉餐包亦是有心機做的，麵包香脆鬆軟，有淡淡的蒜蓉香，而且仲係熱辣辣，沾上湯一齊食，不俗。到主菜啦 ，虎蝦蟹肉美國蜆燴磨菇意大利飯。 一口食落去，飯粒有淡淡嘅蘑菇香味和蜆嘅鮮甜味。之後再加上虎蝦和蟹肉，口感層次分明，虎蝦嘅鮮同蟹肉嘅甜，把意大利飮提升到另一個層次！餐後點了一杯香濃咖啡作結，咖啡香味濃郁，味道一流，為這餐完美既晚餐，畫上完美既句號！