漁舍酸菜魚 (Closed)

放完假又到星期一，要食返餐好既慰勞自己😍今日去到北角匯呢間酸菜魚專家食個豐富午餐午市套餐 : 麻辣口水雞 午市套餐選擇都幾多，可以自選配搭，我就揀左呢個麻辣口水雞🌶️🔥辣度調配得恰到好處，雞肉嫩滑得黎又夠入味，師傅鋪左一層青瓜絲係底好清新午市套餐可以追加飲品、小食同甜品，今餐食豪啲一次過試哂三樣: 黃金蕎麥綠茶、蒜泥白肉、紅豆涼粉。黃金蕎麥綠茶夠冰凍，食完辣野飲杯蕎麥茶好爽。蒜泥白肉一向都係賣飛佛，望落好似好重口味咁，食落好香蒜蓉味，口感多重層次好正，配埋中間既薄切青瓜更perfect💯😋甜品仲有紅豆涼粉，粒粒紅豆好有咬口，涼粉真係幾時食都係my all time favourite🥰😍