Kale (Moved) New Location

放假中午先出去銅鑼灣，早餐都無食，街度人潮洶湧，所以搵咗呢間樓上店食Brunch，在一座新型大廈22樓，但令人好迷茫嘅係，地下大堂顯示22樓係另一個英文名，好猶豫上到去，門口先見到我要搵嘅餐廳banner，入內幾驚喜，水泥色牆壁加高樓底，唔嘈雜，仲有一套打band嘅鼓放在近門口，加上黑鐵架吊燈，好有聽歌餐廳嘅感覺！近窗有一張灰綠色大梳化，可以坐三枱客，店員係英文人，安排我坐梳化中間，無兩邊咁好，因為兩邊可以用梳化角位望到後面嘅馬場境！西式餐牌好簡單，有中英對照，食物款式唔多，所以好快落單，店員要負責水嘅打沙冰！蟹餅漢堡配蕃薯薯條（$118）賣相幾靚，好喜歡佢個竹織嘅鴨仔籃，漢堡已經好妥善咁用紙包好，打開個漢堡好多層，麵包有芝麻面，好鬆軟！蔬菜新鮮，牛油果夠熟，好軟好滑，蕃茄多汁，生菜爽脆，吉列蟹餅好濃味，蟹肉好香！加埋一齊味道好夾！蕃薯條好特別，比薯條煙韌，好甜，加啲茄汁吊味仲正！甘藍香蕉蘋果藍莓果露（$30）好驚喜，眼見綠色一大杯，仲有啲菜碎，即刻好驚會飲草青汁，點知好驚喜嘅只有青菜嘅清新，但又無澀味，蘋果味突出啲，香蕉同藍莓就唔覺，中央夾雜啲冰碎，好冰涼清新！食品好味，店員好好笑容