小王子甜品 (Closed)

有幾日假期，朋友們當然要約出黎見下面，飲下野。由於朋友遲大到，我唯有行下等佢。行到咁上下，見到呢間小王子甜品，就入去坐住等佢。難怪叫小王子甜品，入面好多擺設佈置都係同＂小王子＂有關，就連Meun都有唔少小王子嘅圖案。地方比一般甜品店要大，坐位都寬闊、舒服。可能係假日，入面都差不多都坐爆人，大多都係一班年青人。睇睇Meun，除左食甜品、糖水之前，仲有唔少款式小食同飲品。再望望其他人order嘅小食，份量比想像中大，方便一班朋友仔開心share。本身諗好叫Apple crumble，點知太受歡迎賣哂。我唯有叫芝士蛋糕拼雪糕。芝士蛋糕口味酸感重左一啲，而且比較甜，食多幾口就會有膩感。好在有香草味雪糕中和，可以減低膩感。下次再黎，一定要試試Apple crumble！