星巴克咖啡 (Closed)

好多時候都鐘意約上朋友到處逛到處飲飲食食，但係今日我只想自己一個，只想安安靜靜享受一個溫暖既下午。一邊聽住歌一邊散步，無意間見到一條長長既樓梯，哩個就係TVB拍劇經典取景地：談心階梯，仲有四盞香港僅存既歷史悠久既煤氣路燈，真係別有一番風味。階梯隔離有個醒目既招牌，星巴克，早就聽講哩間星巴克裝修與別不同，就等我去睇下有幾特別 裡面既環境系中西結合既，除咗星巴克本有既西式風格外，仲有香港傳統冰室既佈置，令人每行一步都有驚喜，各種懷舊既物品，各種令人充滿回憶既場景，好有情調，令人情不自禁攞起手機拍下眼前既一幕幕，更有唔少攝影愛好者特登過黎拜訪。一定要點紅豆缽仔糕，只有哩間星巴克有，一次嘗盡哩間分店既特色，缽仔糕紅豆好多，用料十足，好有以前細個食既味道，加上懷舊既場景，食起身更有一番風味。在場人士多數都係以攝影為主，只有少部分係坐落來飲野傾計，感覺哩道係一個博物館之餘，又係一個舒適既cafe。一個人既下午，咖啡，缽仔糕，可以靜靜地發呆，感受身邊既場景，也是一種浪漫····