囍筷

Open Now

Now Closed

之前跟朋友去過賽西湖食下午茶兼行山，今天見天宮造美，藍天白雲，陽光普照，難得有個悠閑下午，遂自己一個人坐巴士再上去賽西湖偷閒一番。今次去到，見上次光顧的茶餐廳因裝修關係休息三天，唯有試吓對面的另一間餐廳，那裡一樣有幾張露天茶座，裝潢較之前那間茶餐廳時尚，座位都頗舒適。看看餐牌，除了有我最喜歡的漢堡“牛魔王”，還有7吋腸潛艇及大大隻炸雞脾拼薯條。漢堡是我至愛，但潛艇又好似很久沒試過了，加上見到隔離枱隻炸雞脾炸得乾身，脆卜卜大大隻，每樣都各有吸引力，實在很難取捨，思前想後，最終還是“牛魔王”戰勝其他脫穎而出。牛魔王漢堡，包身偏細，但用料仍算豐富，半吋多厚的漢堡扒，煎得焦香，肉汁豐盛，配上新鮮番茄同洋蔥，為味蕾帶來一絲fresh同清新的感受。旁邊放上少量薯片伴碟，簡單得來卻剛好配合我不想吃得太heavy的心意。