海里鮮蒸氣石窩 (Closed)

冬天凍冰冰，一大班fd出黎食野都係火鍋、雞煲呢啲選擇架啦🤔。想食得唔同啲，不如試下海鮮蒸氣火鍋？今次司令同朋友就食得好滿意啦！全因為海鮮真係好新鮮！即使係蒸出黎都好好味，超晒班！重點要講下以下令司令好深刻嘅菜，包括有聖子、蠔、鮑魚同埋排骨粥。聖子每件都包埋少許粉絲，蒸熟後冇加調味料已經好鮮！點左少少豉油已經好夠，好味！蠔係每隻都大過手掌架😍，蒸完都係一個字，鮮！不過司令個人黎講中意食生蠔多啲😝。鮑魚本身已經有薑同蔥去辟味，所以即使蒸熟都唔腥。粥都推薦？係呀，但其實呢個粥就係放係蒸爐下面一直用海鮮流出黎嘅精華一齊煲，食到尾聲就會有一煲軟綿綿嘅南瓜排骨粥。所有海鮮嘅精華都煲晒入呢煲粥，可想而之係幾好味！司令食完都再添左一碗，真係好正呀！呢度仲有好特別嘅菜—冰菜可以選擇，食落好juicy，都真係好少地方有得叫！套餐仲有糯米飯配水蟹，蟹肉唔算蟹但夠鮮甜，糯米飯夠甘香，蒸到岩岩好，唔洗怕會唔飽！其實每道海鮮都會有時間計著蒸幾耐，所以真係唔怕會老，仲有侍應姐姐由頭服侍到尾，幫你睇著個火。中意食海鮮嘅朋友帶屋企人一齊試試呢。