海薈

Open Now

Now Closed

早幾日去咗啟德郵輪碼頭個公園玩， 上面有間餐廳，我見環境幾靚就入去食飯，呢度唔單止環境超級靚，平時仲可以搞下婚禮等等活動， 出面個大平台影相又靚！真心推介比準新人！去返個重點先，就係呢度啲美食如何？叫咗個四季會海鮮大平盤入面有波士頓龍蝦🦞，大蝦，藍青口，魚柳，魷魚，北海道刺身帶子及新薯，呢個餐可以話係最貴個set，價值$468，海鮮味道尚算新鮮，青口其中有一粒帶點沙，其他都冇乜嘢，帶子非常厚肉，整個拼盤剛好夠食， 初頭我仲擔心食海鮮會唔飽肚， 好在冇令我失望。佢個餐仲包咗個沙律同龍蝦湯，再加多杯嘢飲同甜品，能夠享受到美食之餘仲有美景，真係一大樂事#海薈#MyHarbour