富華冰室 (葵涌廣場)

Open Now

Now Closed

話說今日睇完醫生，經過葵芳，求其搵咗間餐廳入去醫一醫肚，經過富華冰室，見到今日午餐有雞扒飯，於是就入咗去試吓啦。.我就order 左1. 地獄汁雞扒飯 或可配薯菜 💲62 跟餐中/西湯 熱飲唔洗加錢.本身淨係見到係雞扒飯，而佢所形容嘅地獄汁，完全唔知係咩嘅情況之下，於是落單嘅時候問埋落單姐姐，但係佢都唔知係咩嚟嘅（我個刻係一頭？？？？）然後佢又出廚房問，最終原來係燒汁嚟。。.雞扒飯嚟到之後，比想像之中大塊好多，我諗都有200 gram, 相當有份量，外皮感覺煎得鬆脆，但係我本身唔食皮，雞肉幾嫩口，飯巨多，所以感覺上係幾抵食嘅，我返淨係食到一半已經食唔晒。.另外今日嘅中湯係眉豆雞腳湯，啱晒而家呢啲天氣去濕健脾， $62嘅價錢下，我覺得係好合理。