佐賀山田 · 涮涮鍋 (Closed)

今日同朋友去太古，食左呢間喺地鐵站附近，位於康怡廣場嘅火鍋店—佐賀山田•涮涮鍋。餐廳入面裝潢簡潔，好光猛又闊落。我哋坐喺沙發位，唔會話好近隔離D食客，食得舒服。鋪頭好大空間，多左人嚟食都唔會好嘈。我地試左小食，包括唐揚炸雞、章魚燒、炸帶子同咖喱飯，可以一件件叫貪心試多d野。我地係食美牛三重奏—晚市極級美國和牛&牛小排放題，90分鐘有成七款肉類俾我哋任食，正呀！美國SRF和牛薄切有好香嘅牛味，吸左壽喜燒風味湯底同埋完熟蕃茄湯底D味，好惹味呀！除咗可以QR code落單之外，出邊仲有凍飲、蔬菜、雪條同埋甜品櫃，全部任食超抵！同埋最抵讚係佢有樽裝水攞，好少見。最後食咗條明治雪條，打邊爐即刻食凍嘢，正呀！