8鍋臭臭鍋 (金巴利道) (Closed)

中秋節就快到，之前買左月餅券，要去尖沙咀拎，所以順便約埋朋友去附近食飯！果晚落好大雨，個身都整濕左，覺得涼涼地，於是我地決定去打邊爐！好耐之前有聽過臭臭鍋，但一直未試過！我地入左餐廳後，開始揀湯底，同埋跟個指示去調醬汁！我覺得一人一鍋比較好，因為身邊總會有朋友唔中意食辣，又可以試下唔同湯底！麻辣火鍋湯底，我好中意食辣野！火鍋入面配料好豐富！朋友想食炸花枝丸，都幾大粒同埋彈牙！飲左杯奶蓋綠茶，唔會太甜，好滿足！