十二鍋 (Closed)

勁鍾意食一人一鍋，貪佢夠飽又多選擇，之前都介紹過唔少，今次就介紹呢一間喺佐敦㗎啦👍🏻台式沙茶牛肉鍋沙茶味好香濃，湯底唔會太過油膩，而且配料非常之多：牛丸、貢丸、蛋餃、多種蔬菜。鍋頭既牛肉片好嫩，牛丸仲爆曬汁，仲有一粒肉丸裏面包着滿滿嘅芋頭肉添！加咗$7要多個滷肉飯，都幾入味，而且菇片好多！（不過食到尾，就真係有啲鹹啦，同埋份量真係好多超級飽！）芝士竹輪壽喜燒又係滿滿嘅一盤，有枝竹、蜂巢豆腐、蟹棒、多種蔬菜，配菜好有台灣風味。湯頭甜甜地，粗粉絲完全索晒湯，煙韌有彈性！塔香鹽酥雞食台灣菜點可以冇鹽酥雞呢，餐廳炸得非常脆口，唔會太過乾，亦都唔會過分油膩！雞件唔會太大粒，一口size 剛剛好～麥花臣雙色腸超鍾意食台灣腸，呢一款更加有兩隻味道，略有少少肥肉但係相當香口，記住配埋旁邊嘅蒜頭一齊食！夜市雞皮捲由雞皮卷住啲雞肉，非常香口。雞肉有肉汁，外皮薄薄地又帶點脆口，一小盤但係有八大件，幾滋味！