8鍋臭臭鍋 (金巴利道) (Closed)

呢間餐廳附近都有好多韓式餐廳，餐廳地方好闊落，四個人卡位坐得好舒服！我同朋友每人都叫咗一個唔同口味嘅鍋，今次我叫嘅係芝士牛乳臭臭鍋，入邊好香好濃郁，仲有一片跟餐嘅芝士，真係好鹹香！雖然佢另外都可以俾你揀緊飯跟麵或者跟粉絲，但係佢個鍋入邊本身已經有半份麵喺度，所以完全唔使驚唔夠食，材料都係一般嘅打邊爐即食料，但係勝在湯底夠多選擇，呢個價錢嚟講食得飽，喺尖沙咀又唔貴，值得一讚！不過嘢飲方面就伏伏地，我覺得唔需要喺嗰度跟餐叫嘢飲～