阿久根和牛立燒店 (Closed)

呢間阿久根和牛立燒店雖然叫立燒店，但係其實每個位都有凳坐，可以一邊食燒肉，一邊坐低同朋友傾偈飲酒都冇問題。佢哋嘅二人餐已經包括左A4、A5嘅和牛肉眼同埋西冷片，雖然份量唔算好多，但係就可以每款都試吓，試啱另外可以再單點，又或者一個人獨享呢個餐都幾豐富㗎！如果兩個人share呢個套餐，每人都係$200左右，就已經可以品嚐到唔同部位嘅牛肉，都算幾抵食。A4同埋A5和牛相比，我自己就比較鍾意食A4 多啲，A5油脂分布又多又密，油香十足但好容易就會覺得膩而A4和牛油脂分布比較平均，所以可以品嚐到牛肉肉質的嘅甜味。呢個套餐最令我有驚喜嘅，反而係佢哋嘅牛肚，好多燒肉店都係主打唔同部位嘅肉片，但係其實去日本食燒肉，最特別係食佢哋嘅內臟部位，平時食牛肚都係食港式嘅牛雜，但原來燒牛肚都幾好食！呢度嘅牛肚係採用左蜂巢肚嘅部位，味道清爽，口感爽脆帶嚼勁除咗牛肚之餘，仲有牛舌套餐仲包左精選蔬菜同埋包肉食嘅生菜另外前菜每位要加$8