魚眾不同酸菜魚 (君譽峰)

Open Now

Now Closed

魚眾不同，又真係幾與眾不同，雖然係食川菜嘅餐廳，當然係有酸菜魚同埋辣嘢食啦，但下午茶餐竟然有炸雞髀同埋出前一丁。主餐牌仲有花膠濃湯雞煲。花膠濃湯雞煲聽個名已經夠滋補養顏，又花膠又雞，雞湯湯味濃郁，忍唔住全部雞湯飲清。雞件夠滑滑，花膠都大大件，絕對冇偷工減料。一人份量酸菜魚酸菜魚可以揀大辣、小辣。雖然話就係一人份量，估唔到都要咁多魚，份量夠晒多。仲可以揀多兩樣配菜(萵筍、豆卜、蘿蔔生菜等)我就揀咗生菜同黑木耳，黑木耳爽夠晒爽！主食，我就揀咗手打薯粉(薯粉又真係幾好食，煙煙韌韌)飲埋鹹檸檬七喜，簡直完美配搭！😆