Video
Read full review
2019-06-02
1628 views
在銅鑼灣行到差不多想走，實在太多人，正準備坐地鐵走，經過Fashion Walk，好耐無去過，諗住入去係咁易兜個圈。LIFETASTIC 的廚窗是正向對著行人流向，所以一入去商場行幾步就好自然見到，離遠看到感覺頗舒服，所以行埋去睇吓。一見覺得啲蛋糕好靚，每件都一層層，顏色好舒服之外，感覺好矜貴。店中主打重點推介的招牌蛋糕signature cake是草莓西瓜蛋糕 strawberry watermelon cake，好特別，無聽過咁嘅配搭，最重要係好靚，蛋糕頂層一睇好豐富，有好多玫瑰花瓣，又有少少綠色的開心果碎襯托，色彩豐富得來是令人感覺既舒服又開心繽紛，我第一次對住一件蛋糕仔有呢個感覺，通常至少係個好特別或好有心的大蛋糕先令我有呢種一見就喜悅的心情。🥰咁特別嘅喜悅感覺就梗係睇下幾錢先，一件$68，感覺有點貴，同時個蛋糕真係好吸引，睇到都有高貴感覺，諗住都試一次。喜歡店用木叉，我自己不想用太多膠，所以已加分。蛋糕一共6層，所以我好小心想一次過試6層的味道，結果有少少難，咁靚都不太想破壞😅 結果小心翼翼的第一啖，好特別，自己突然食家上身，因為味道又有層次，好清新，甜度恰到好處，有草莓味，
LIFETASTIC 的廚窗是正向對著行人流向，所以一入去商場行幾步就好自然見到，離遠看到感覺頗舒服，所以行埋去睇吓。
一見覺得啲蛋糕好靚，每件都一層層，顏色好舒服之外，感覺好矜貴。店中主打重點推介的招牌蛋糕signature cake是草莓西瓜蛋糕 strawberry watermelon cake，好特別，無聽過咁嘅配搭，最重要係好靚，蛋糕頂層一睇好豐富，有好多玫瑰花瓣，又有少少綠色的開心果碎襯托，色彩豐富得來是令人感覺既舒服又開心繽紛，我第一次對住一件蛋糕仔有呢個感覺，通常至少係個好特別或好有心的大蛋糕先令我有呢種一見就喜悅的心情。🥰
草莓西瓜蛋糕
$68
117 views
0 likes
0 comments
咁特別嘅喜悅感覺就梗係睇下幾錢先，一件$68，感覺有點貴，同時個蛋糕真係好吸引，睇到都有高貴感覺，諗住都試一次。
喜歡店用木叉，我自己不想用太多膠，所以已加分。蛋糕一共6層，所以我好小心想一次過試6層的味道，結果有少少難，咁靚都不太想破壞😅 結果小心翼翼的第一啖，好特別，自己突然食家上身，因為味道又有層次，好清新，甜度恰到好處，有草莓味，又有西瓜味外，最令我印象深刻是那股淡淡的玫瑰cream，某中高檔西式咖啡餅店都有玫瑰味蛋糕，但這個遠遠抛離對手，玫瑰花瓣量多呢度多好多，擺設圖案更繽紛美麗，味道另一間其實不太有玫瑰味，這間的玫瑰味好特別，好難形容，好像隱隱淡淡得來又一定食得出那陣玫瑰🌹香味，好奇怪，不知如何可做到。
用西瓜都有難度，西瓜多水份，同時蛋糕又有會淋左或過度moist，其他材料包括杏仁等，每啖都有好多味道，配搭和諧，不會互搶。👍💖
雖然$68 ，比一般蛋糕好似貴好多，同時我寧願食一件呢個，好過食10件其他普通西式蛋糕。這蛋糕不單味道好，賣相佳，仲好像有種魅力讓人心情變得由內在喜悅出來。我會再買，好值得，一分錢 一分貨。😋😋💖💖
個商場其實好多人，鄰近的Starbucks 的位俾人坐晒，仲好多都係無幫襯😅 所以搵位有挑戰性。大家可以考慮買回家，又或者努力搵位😅😅
Post
