Boring?! (新都會廣場) (Moved) New Location

上年年尾食過覺得幾好食，今次特登再返嚟食，質素下降咗好多。係餐廳門口等位個陣已經勁大陣油煙味， 抽風系統應該有啲問題。 坐到入去餐廳直頭見到啲煙係咁飄， 全程都係油煙之中食飯， 覺得自己好似喺葵廣3樓咁，感覺好差。個慢煮春雞嚡過白烚，仲要冇味；意大利飯同爛飯冇分別，仲要勁油；個意粉汁就勁咸；唯一正常少少係個小食嘅薯條。好懷疑咁多好評都係打手，俾你呃到人過嚟食一次，咁嘅質素都冇下次啦！不如認真改善下啲食物質素。