星巴克咖啡

Open Now

Now Closed

呢一篇食評真喺無咩特別，只喺人生上遇到心煩嘅事，出嚟抖抖氣，寫情感多過食嘢食。晌疫情第五波頗為嚴峻之下，香港好多嘢都好似停擺咁，除咗無點出去食嘢之外，有都喺買吓外賣。一個人想靜靜哋飲杯咖啡，嚟依一間怡和大廈嘅「星巴克」就最夠靜侷，最安心。一來地方大，樓底高，周圍都喺落地玻璃，加上第五波嚴峻時，中環大部人都在家工作，呢區真喺好靜，再者，加上呢間鋪位置有少少吊腳，客人都喺樓上嘅寫字樓客，生客相對少，放飯時間都照樣無乜人。平平哋簡單揀一杯「是日推介咖啡」（Coffee of the Day），純粹掗吓時光，享受吓寧靜片刻，老實講，無話好在意咖啡嘅質素！細味完一個人嘅咖啡之後，思緒沉澱一下，整理一下，又要開工！