Video
Read full review
2023-08-17
1222 views
朋友臨時約食飯，臨急臨忙決定食無老鍋，幾年前台灣食過，覺得無咩特別，睇下香港既有無分別喇！好好彩好快有位，一入去見坐位都好闊落，兩個人都唔會被分去好迫既位，就算點得多野都唔驚無位放，而且好貼心有USB線位俾客人叉電🔋首先點左個麵包豆腐白湯鍋，材料有：雞骨、豬大骨、原粒蒜頭🧄等等既食材去熬製，感覺好似好養生，所以朋友非常鐘意，不停飲湯底😂而我依個濃味人就覺得唔錯，但未至於佢咁鐘意。值得一讚係隨湯任加既豆腐吸曬湯底好好味😋（鴨血都可任加）menus上面見到有冰淇淋豆腐，好似幾特別就點黎試試，店員提醒放落去水滾後十至十五分鐘就食得。口感幾得意，好似棉花糖咁綿密，不過下次都唔會再叫，試過就算。丸類都幾推薦，幾款丸味道唔錯，可以一試！其他食物都普普通通無咩特別。總結黎講，都唔會黎第二次，因為依到價錢中上，但食物質素只算普通，環境闊落本來都幾好，但因為餐廳有包廂提供，包廂內的客人使用卡喇ok設備時非常嘈吵。服務態度方面，大部份店員都良好，感覺唔錯，但食到尾聲時，有位短髮女士唔知係咪經理用惡劣態度叫我地埋單，話出面有客人等緊 ，催促我地快點，無注意用餐時間係我地做客人不足，但如果友善態度提醒我地都一
好好彩好快有位，一入去見坐位都好闊落，兩個人都唔會被分去好迫既位，就算點得多野都唔驚無位放，而且好貼心有USB線位俾客人叉電🔋
首先點左個麵包豆腐白湯鍋，材料有：雞骨、豬大骨、原粒蒜頭🧄等等既食材去熬製，感覺好似好養生，所以朋友非常鐘意，不停飲湯底😂而我依個濃味人就覺得唔錯，但未至於佢咁鐘意。值得一讚係隨湯任加既豆腐吸曬湯底好好味😋（鴨血都可任加）
menus上面見到有冰淇淋豆腐，好似幾特別就點黎試試，店員提醒放落去水滾後十至十五分鐘就食得。口感幾得意，好似棉花糖咁綿密，不過下次都唔會再叫，試過就算。丸類都幾推薦，幾款丸味道唔錯，可以一試！其他食物都普普通通無咩特別。
總結黎講，都唔會黎第二次，因為依到價錢中上，但食物質素只算普通，環境闊落本來都幾好，但因為餐廳有包廂提供，包廂內的客人使用卡喇ok設備時非常嘈吵。服務態度方面，大部份店員都良好，感覺唔錯，但食到尾聲時，有位短髮女士唔知係咪經理用惡劣態度叫我地埋單，話出面有客人等緊 ，催促我地快點，無注意用餐時間係我地做客人不足，但如果友善態度提醒我地都一定會愉快地配合。由於用餐時間太短，我地仲有好多野未食完，只好加錢拎盒打包走，臨走時同果位疑似女經理講想keep單 ，得到既又係態度好唔友善咁講：「放心！一定會俾你！」自問從來都不是西客，食到好餐廳會大大力讚，但遇到這些不愉快事件時，我都會照直講，本來食後感都唔係咁差，但一黎依到價錢都偏貴，二黎仲要受氣，真係貼錢買難受，店員既服務態度都真係好影響食後觀感，希望無老鍋可以直視下有依粒老鼠屎嘅問題，今次我會俾劣評，而依個劣評係俾果位店員既。
Post
