龍驤 (Closed)

早前 “強記” 推介尖沙咀抵食日式鐵板燒 (Teppanyaki) “龍驤”, 中午佰零二佰蚊, 我反覆問咗一萬次, 都話質素OK. 幾星期前, 老友 “紫野” 請食米芝蓮餐廳, 今日搏一搏搵呢間 “荀嘢” 請番佢, 還人情債 🤗.🍽 餐廳格局有趣, 入門口見到兩三張方枱, 同埋一張迷你壽司吧枱. 再行入去, 設有兩張鐵板燒枱.😱 一坐低, 服務員唔係俾茶, 係放低咗碗蒸蛋, 原因不明.🥢 點咗鐵板燒午餐, $196 (8折後), 包括溫室野菜沙律, 日式蒸蛋, 麵豉湯, 烏冬. 主菜係鵝肝多士, 安格斯牛肉薄燒兩件, 另外追加海中蝦三隻.🍀 溫室野菜沙律, 正常. 日式蒸蛋, 放咗一段時間, 熱度還好, 略嫌唔夠結實.🥣 麵豉湯. 合格.🍜 烏冬. 我食完晒鐵板燒先食烏冬, 所以凍咗.🦐 追加: 海中蝦三隻, $48. 彈牙, 吾韌. 師傅煮嘅時候落咗鐵板右上角兜汁, 估計係用蝦頭膏煮嘅, 味道不俗!🐂 安格斯牛肉簿燒, 配金菇, 即係金菇牛肉卷, 好食. 鵝肝, 香口, 味道調校適中, 入口溶化, 唔錯.🤗 總結: 謎底終於解開, 呢個二佰蚊嘅鐵板燒, 如果當佢係日式定食, OK嘅