品坊 (Closed)

同朋友用團購試吓呢間酒店嘅自助餐，每位$240再加$60嘅行政費，就食到平日嘅自助晚餐。呢個價錢真係唔可以期望太多。生蠔係愛爾蘭同埋法國，不過超級細隻....酒店做緊三文魚主題，所以有好多款唔同煮法嘅三文魚，就連煙熏三文魚都有幾款。鍾意食三文魚嘅應該會好開心。不過熱盤就做得麻麻，款式少，而且好多都已經俾人攞晒但係成半個鐘都無人refill。得一個姐姐負責切牛肉，煮麵，做串燒忙到踢晒腳。甜品就不過不失，有六款Häagen-Dazs嘅雪糕。總括而言，一分錢一分貨，呢個價錢唔可以有太高期望，不過作為一個普通嘅晚餐都係可以嘅。