皇府 (Closed)

同朋友食在又一城食lunch，因為佢病完😷冇耐，想食粥!🥴咁就唔駛煩惱食邊間，一定要去食皇府。我估唔計飲茶個D，成個又一城得佢有粥食，哈🤗12點半黎到要攞飛，好彩排第二張就到，而且好快就入到去了。2個人都可以坐卡位，幾舒服。同埋佢門口都有貼住，1-3人枱在繁忙時間用餐時間得60分鐘。😐如果邊個想坐低慢慢食下傾下計就未必應該黎呢度了。不過中午時分都係打工仔多，好少又會久留既，所以人流都算幾快😙坐低開左茶，我地就點左粟米🌽肉粒粥同埋鯇魚片🐟粥。另外叫多份皮蛋、同埋一客炸両腸粉。落左單10分鐘內食物都陸續送到，都叫做幾快。兩個粥唔算好大份，但係個粥底好綿得黎好重米香，唔會好水。粟米肉粒好甜，個肉碎都好滑、一D都唔鞋，唔會好似D瘦肉煲到乾爭爭。鯇魚粥我揀左要魚片🐟，因為少D骨，佢薄切得來食落都有口感，而且都真係去骨去得都幾乾淨。粥底就係同一個架啦，都係好綿好有米香。雖然75蚊一碗粥都真係貴，不過一來佢足料D啦，二來係大商場入面食，75蚊其實有50蚊都係交左租😔皮蛋🥚個賣相有D麻麻地，但其實又幾好食，個黃仲係流心黃。如果可以砌靚少少出場就滿分啦。蝦米🦐炸両就靚好多，不過呢個就份量細D。切埋得十舊