Video
Read full review
2005-11-28
4 views
女友話想食自助餐，咁睇雜誌見到萬麗有七折，咪去幫趁下，連加一每位$220，都算係平。呢期主打芝士火鍋，不過理想同現實都係差好遠，個芝士火鍋COUNTER細細個，得三兜火鍋同幾舊麵包，O的芝士已經俾人搞到周圍都係，感覺唔係幾好，你企得耐係度將O的包浸緊芝士，後面既人已經要等等等，我覺得芝士火鍋都唔係好適合自助餐。至於O的瑞士式食物，味道都係麻麻地O者。好啦，之後到海鮮類，刺身OK，有三文魚、八爪魚同吞拿魚，味道同新鮮度都唔錯，仲要不停補貨，但問題係個裝豉油既兜，兩野就俾人用晒，搞到O的人要四周圍搵兜裝豉油，都好搞笑。不過呢，海鮮冷盤就好差啦，凍蝦腥腥地，元貝同青口如同嚼臘，蟹腳細細隻仲要係水多過乜，但係200蚊位既自助餐，點都冇得同萬豪呢O的三百幾一位既比啦。沙律我冇食，女友話唔係太好味。再來熱食，感覺唔錯，個鐵板燒好味，推薦係大蝦同羊扒，但唔係成日有，雞翼同燒牛柳都唔錯。條大星班就成日都有補貨，肉質都既暖滑，不過蔬菜類就少O的，同埋擺到「林」晒，唔好味。一人一隻送既大閘蟹細細隻，味道尚可，膏都算多，但聽講之前係送龍蝦而唔係大閘蟹，我個人都係喜歡龍蝦多O的。至於甜品呢，選擇都幾多，味道O
好啦，之後到海鮮類，刺身OK，有三文魚、八爪魚同吞拿魚，味道同新鮮度都唔錯，仲要不停補貨，但問題係個裝豉油既兜，兩野就俾人用晒，搞到O的人要四周圍搵兜裝豉油，都好搞笑。不過呢，海鮮冷盤就好差啦，凍蝦腥腥地，元貝同青口如同嚼臘，蟹腳細細隻仲要係水多過乜，但係200蚊位既自助餐，點都冇得同萬豪呢O的三百幾一位既比啦。
沙律我冇食，女友話唔係太好味。
再來熱食，感覺唔錯，個鐵板燒好味，推薦係大蝦同羊扒，但唔係成日有，雞翼同燒牛柳都唔錯。條大星班就成日都有補貨，肉質都既暖滑，不過蔬菜類就少O的，同埋擺到「林」晒，唔好味。一人一隻送既大閘蟹細細隻，味道尚可，膏都算多，但聽講之前係送龍蝦而唔係大閘蟹，我個人都係喜歡龍蝦多O的。
至於甜品呢，選擇都幾多，味道OK，尤其有一個細細兜既紅豆蓉好好味，我同女友一人食左兩兜，我自己就鍾意個格仔餅，燉蛋味道都唔錯，但係個西米露就淡口少少，雪糕就有四款Haagen Dazs，仲有最新既紅豆味添。蛋糕都好多選擇，味道中規中矩，女友話TIRAMISU好味，仲有一個好似拿破侖酥餅既野，中間係栗子味，正！但係最失望既係，呢隻餅我地食第二件果陣，發覺中間夾左一細張保鮮紙！扣分！扣分！扣分！扣分！扣分！扣分！扣分！
講真呢，自助餐呢家野，一分錢一分貨，原價連加一接近300，我就覺得唔值，但折左之後，位位$220。我只可以話，佢係一個洽如其份既$220自助餐，正價去食，就唔係好值啦。
Post