OPPA Coffee Bar Restaurant

Open Now

Now Closed

以為食韓國野一定無死，就算唔好食應該都唔會差得去邊，今日遇到呢間舖衝擊到我對韓國食物嘅認知。首先入到去個個都忙，企左好耐都無人打算招呼我，好在侍應態度都幾好，挽回少少分數。坐底後就睇餐牌，見到樣樣都好想食，就隨量叫左幾樣試下。首先黎嘅係泡菜炒飯，侍應會喺我地面前整，倒蛋醬撒芝士再用火燒，其實好擔心佢個火會整到自己，因為都幾近下，而且燒嘅時候好熱，燒好後佢撈均就可以食了。啲飯可以拉起一條條芝士幼絲，食落口飯質都幾濕，味道還可以但唔算好特別。炸紫菜包飯，佢話係釜山獨有口味，一咬，舊野係無味的，就算點左野都改變唔到無味嘅事實，入面淨係得蘿蔔絲，然後就咩都無，唔叫好過叫。三色煎餅，泡菜煎餅喺我印象中係好味嘅，但呢間嘅出品真係難以接受。三色分別係泡菜，葱同南瓜。全部好似無煎過就上碟咁，咬落又濕又粉，唔知想點，完全對唔住個價錢。芝士排骨，同泡菜炒飯個做法一樣，喺面前燒再用芝士包好每條排骨，但事實上無需要包住，因為芝士同排骨唔太夾，而且排骨太咸了。