阿木台灣麵 (D2 Place TWO)

Open Now

Now Closed

好耐無來阿木食嘢啦，竟然係D2 place見到有分店，五點鐘入來嘆個下午茶都好。通常我一個人食吾曬成碗牛肉麵，今次點嘢食決定寧願點多個小食好過。所以我地兩個人點佐一碗紅燒牛肉牛筋麵share➕一份滷牛腱➕芝士肉鬆蛋餅➕一人一杯奶茶🧋。次次來食台灣嘢必點珍珠奶茶，今次點嘅黑糖珍珠鮮奶吾記得話要少糖，所以有啲甜。對比起身，男朋友點嘅岩鹽奶蓋烏龍茶就勁好飲！奶蓋烏龍下次來必點。蛋餅做到好多層次，芝士、肉鬆、雞蛋、餅皮有蔥，超多料，軟糯入口。小食同牛肉麵嘅牛肉都係厚切👍試佐佢地自家製嘅麻辣醬，睇落去辣，實際上吾係好辣，我本身吾係好食得辣都handle到，覺得好好味。